إنتهت الامتحانات … و ظهرت النتيجة !!
أضيف بواسطة Hawyphp في قسم MySchool, Personalالسلام عليكم ورحمة الله وبركاته
عاملين ايه يا جماعة ، ان شاء الله تكونوا بخير والى بيمتحنوا يكونوا خلصوا ونجحوا واتعشوا وناموا
انهيت امتحاناتي يوم الاربعاء السابق ولكن لم اريد ان ادون الا لما اعرف النتيجة [3114] الى ظهرت اليوم واللي طلعت مخيبة للامال لاول مرة منذ دخولي المدرسة ، فى الصف الاول كنت الثالث ( ترم اول وترم تاني ) ، وفى الصف الثاني كنت الثاني ( ترم اول وترم تاني ) ، اما فى الصف الثالث ففي الترم الاول الى هو الترم ده انحدرت الى التاسع او نقدر نقول الثامن بمجموع [389.5/420] علشان فى اتنين مكررين فوق ، طبعا كانت مأساة بالنسبة ليا ولكن الحمد لله على كل شئ فانا درجاتي مش وحشة بردو ومقفل مواد كتير ونظرا لإن كان فى ظروف صعبة مريت بيها فترة الامتحانات واستهتاري بالعربي والانجليزي بس الحمد لله كثيرا على الدرجة دي وان شاء الله اقدر اعوض فى الترم التاني وخصوصا اعمال السنة لسه متضافتش للمجموع وربنا يكرم ان شاء الله ، وطبعا مش هوصيكم فى الدعاء بقي اديكم شايفين ..
وان شاء الله المدونة هترجع للنشاط من تاني باذن الله فترة الاجازة دي ، هخلع انا بقي علشان ماتش مصر والسوداااااان 
27 يناير, 2008 في الساعة 12:08 ص
ربنا يوفقك يا باشا
27 يناير, 2008 في الساعة 3:02 ص
و لا تزعل نفسك .. متعوضة الترم الجاي
بالتوفيق إن شاء الله
27 يناير, 2008 في الساعة 10:46 ص
@ الغريب :
، ربنا يوفقك انت كمان فى امتحاناتك .
ازيك يا حاج بقالك كتير غايب علينا
@ Stylish :
ان شاء الله بس دعواتكم معانا بقي
نورت مدونتي يا هشام ومستنيك تكررها علطول
28 يناير, 2008 في الساعة 5:08 م
ربنا يوفقك يا بااشا والف مبروك وباذن الله تتعوض وانا عارف انى انا السبب ان انت تطلع التامن وانت عاارف لية كمان بس معلش والله انا اسف .. على العموم تتعوض الترم الى جاى ان شاء الله
28 يناير, 2008 في الساعة 5:13 م
الله يبارك فيك يا عمرو ، والحاجة دي بايد ربنا مش بسببك ولا حاجة وان شاء الله خير ، دعواتك معانا بقي
1 فبراير, 2008 في الساعة 12:19 ص
يا عم فكك وفرفش كده
في آخر سنة نبقى نزعل على الترتيب …
والحمد لله إنك نجحت وخلاص
قال عربي قال